Բահրեյնում մի շարք քաղաքական ակտիվիստների արգելել են երկրից հեռանալ
Ալ-Դերազի շրջանում հանրահավաք անցկացնելու պատրվակով, Բահրեյնի Ալե Խալիֆայի ռեժիմը այդ երկրի քաղաքական ու իրավական մի խումբ ակտիվիստների արգելել է երկրից հեռանալ:
«Մերաթ Ալ-Բահրեյն» լրատվական գործակալության հաղորդման համաձայն՝ Բահրեյնի գլխավոր դատախազությունը նման դատավճիռ է արձակել այն պայմաններում, երբ օրեր են մնացել այդ երկրի հանրահայտ հոգևորական Շեյխ Իսա Ղասեմի դատավճռի արձակմանը:
2017 թ. մարտի 15-ին նախատեսված էր փողի լվացման սուտ մեղադրանքով Շեյխ Իսա Ղասեմի դատավարությունը, սակայն հանրային կարծիքի ճնշման տակ Բահրեյնի կառավարությունը հարկադրված նահանջեց և դատավարությունը հետաձգեց մայիսի 7-ին:
Հաղորդման համաձայն՝ դատարան են կանչվել և երկրից դուրս գալու իրավունքից զրկվել են մի շարք բահրեյնցի ակտիվիստներ՝ այդ թվում «Վաադ» միության» նախկին գլխավոր քարտուղար Էբրահիմ Շարիֆին, Բահրեյնի մարդու իրավունքների կենտրոնի անդամ Ահմեդ Ալ-Սաֆարը, մարդու իրավունքների ոլորտի մի խումբ փաստաբաններ ու լրագրողներ:
