Լարիջանի.«Միջին Արևելքը նավթի ու գազի կարևոր տարածաշրջան է»
Իրանի Իսլամական խորհրդարանի նախագահն ասել է.«Միջին Արևելքը նավթի ու գազի առումով կարևոր տարածաշրջան է և մեծ ազդեցություն է թողնում տարբեր երկրների վրա»:
Այսօր Թեհրանում նավթի, գազի ու պետրոքիմիայի 22-րդ միջազգային ցուցահանդեսում ունեցած ելույթում, անդրադառնալով Իրանում տիրող կայուն անվտանգությանը, Ալի Լարիջանին նշել է.«Այսօր Իրանում ցանկալի պայմաններ են տիրում նավթի ու գազի ոլորտում ներդրումներ կատարելու համար»:
Այսօր Թեհրանում իր աշխատանքն է սկսել Իրանի նավթարդյունաբերության, գազի ու պետրոքիմիայի 22-րդ միջազգային ցուցահանդեսը՝ Իրանի հարյուրավոր և աշխարհի 37 երկրի 1500 արտասահմանյան ընկերությունների մասնակցությամբ:
Լարիջանին հավելել է.«Ահաբեկչությունը տարածվել է միջինարևելյան տարածաշրջանում: ԻԻՀ որդեգրած քաղաքականության շնորհիվ փոխվել է տարածաշրջանում տիրող իրավիճակը և միջազգային հանրությունն ընդունել է այդ ամենը»:
Անդրադառնալով տարածաշրջանում առկա հակամարտություններին Լարիջանին ասել է.«Ամենաննշան սխալը կարող է փոխել տարածաշրջանի անվտանգությունը»:
