Լիբանանի խորհրդարանի նախագահ.«Սաադ Հարիրիի հրաժարականն ընդունելի չէ»
Լիբանանի խորհրդարանի նախագահ Նաբիհ Բերին հայտարարել է,որ վարչապետ Սաադ Հարիրիի հրաժարականն ընդունելի կդառնա միայն այն ժամանակ,երբ նա Լիբանանի հողում կներկայացնի այն:
«Մեհր» լրատվական գործակալության հաղորդման համաձայն՝ Լիբանանի խորհրդարանի նախագահ Նեբիհ Բերին ասել է, որ Սաադ Հարիրիի հրաժարականը միայն այն դեպքում կդառնա ընդունելի ,երբ նա Լիբանանի հողում կներկայացնի այն: «Հարիրիի հրաժարականը պետք է ներկայացվի Լիբանանի Սահամադրության շրջանակում», ընդգծել է Բերին:
Ավելի վաղ, Լիբանանի նախագահ Միշել Աունը ևս անընդունելի է համարել Սաադ Հարիրի պաշտոնից հեռանալու եղանակը և ընդգծել է նրա Բեյրութ վերադառնալու անհրաժեշտությունը:
2017 թ. նոյեմբերի չորսին Սաադ Հարիրին Արաբիայի մայրաքաղաք Ռիադում ընթերցած հաղորդագրությամբ հայտնեց Լիբանանի վարչապետի պաշտոնից իր հրաժարականի մասին:
