ԱՄԷ-ն կարող է փոխել իր ինքնաթիռների չվերթների ուղին
Արաբական Միացյալ Էմիրությունները պնդում է,որ Կատարի մի քանի կործանիչներ մոտեցել են այդ երկրի ուղևորատար ինքնաթիռին: ԱՄԷ-ի Քաղաքացիական ավիացիայի կազմակերպության տնօրենը տեղեկացրել է իր երկրի ինքնաթիռների չվերթների ուղին փոխվելու հավանականության և Կատարի դեմ հայց ներկայացնելու մասին:
Հղում անելով «Reuters» լրատվական գործակալությանը, «Մեհր» գործակալությունը հաղորդել է,որ ԱՄԷ-ի Քաղաքացիական ավիացիայի կազմակերպության տնօրեն՝ Սեյֆ Մոհամմադ Ալ-Սոյդին ասել է.«Կատարն այդ քայլով խախտել է Չիկագոյի դաշինքը և Արաբական Միացյալ Էմիրություններն այդ երկրի դեմ իր բողոքը կներկայացնի Քաղաքացիական ավիացիայի միջազգային կազմակերպությանը (ICAO)»:
Ի դեպ Բահրեյնի ավիացիայի հարցերով ճանապարհների ու հաղորդակցության նախարարի տեղակալ Մոհամմեդ Սամեր Ալ-Քաաբին երեքշաբթի օրն ասել է.«Մանաման մի զեկույց է ներկայացրել Քաղաքացիական ավիացիայի միջազգային կազմակերպությանը, դեպի Բահրեյն չվերթ իրականացնող ԱԷՄ-ի երկու ուղևորատար ինքնաթիռների մասին»:
Կատարի իշխանությունները հերքել են այդ մեղադրանքները:
