Ցույցեր Թել Ավիվում Նեթանյահուի կառավարության դեմ
Թել Ավիվի հազարավոր բնակիչներ արդեն 9-րդ շաբաթն անընդմեջ ցույցեր են անցկացնում Սիոնիստական ռեժիմի վարչապետ՝ Բենիամին Նեթանյահուի կառավարության մեջ տիրող կոռուպցիայի դեմ:
Ցուցարարները պաստառներ կրելով, Նեթանյահուի և նրա կառավարության կազմի բոլոր անդամների հրաժարականն են պահանջում:
Սիոնիստական Հա-Արեց օրաթերթը գրել է.«Հարյուրավոր իսրայելցի բողոքարարներ ցույց են անցկացրել նաև բռնագրավված մյուս քաղաքներում, այդ թվում Հայֆայում և Աֆուլայում»:
Մի քանի շաբաթ առաջ Բենիամին Նեթանյահուն 7-րդ անգամ ոստիկանության կողմից հարցաքննության է ենթարկվել կաշառակերության, իշխանությունը չարաշահելու և կոռուպցիայի համար:
Նեթանյահուի հետ կապված կարևորագույն ֆինանսական մեղադրանքն է ֆրանսիացի Առնաուդ Միմրանից մեկ միլիոն դոլար ստանալը, որն, ասվում է թե, քարոզարշավի համար փոխանցվել է Նեթանյահուին:
