Սիրիայի բանակը մարտական պատրաստվածության է բերվել Աֆրինի շրջանում
Լրատվամիջոցները հաղորդել են ,որ Աֆրինում գտնվող քրդերը համաձայնության են եկել Դամասկոսի հետ Սիրիայի բանակի այդ քաղաք մուտք գործելու և Թուրքիային դիմակայելու համար: Ալ-Ալամ հեռուստաընկերությունը տեղեկացրել է, որ Սիրիայի բանակը մարտական պատրաստվածության է բերվել Աֆրինի շրջանում:
Ինչպես հաղորդում է Իրանի ռադիո-հեռուստատեսության լրատվական գործակալությունը, Ալ-Ալամ հեռուստաընկերությունը, հղում անելով որոշ աղբյուրների հաղորդել է, որ Սիրիայի բանակը մարտական պատրաստվածության է բերվել Աֆրինի շրջան մուտք գործելու համար:
Պաշտոնական աղբյուրները երեկ հաղորդել են ,որ Սիրիայի կառավարությունը և այդ երկրի հյուսիսում գտնվող քրդական ուժերը համաձայնության են եկել ,որպեսզի Սիրիական բանակը մի քանի օրով իր ուժերին տեղակայի Թուրքիա-Սիրիա սահմանին գտնվող Աֆրինի շրջանում:
Սիրիայի քրդերի«Ժողովրդական ինքնապաշտպանության ուժերի» (YPG) լրատվական հարցերով խորհրդական Ռիզան Հադուն ասել է.«Ողջունում եմ այն որոշումը,որ սիրիական բանակը Աֆրինը կպաշտպանի Թուրքիայի հարձակումից և քրդական ստորաբաժանումները չեն կարող հետ պահել որևէ սիրիացու ,ով կփորձի պաշտպանել Աֆրինը»:
