Ջաբերի Անսարին Ժնևում խորհրդակցություններ է անցկացրել
ԻԻՀ ԱԳ նախարարի ավագ օգնականն ու Աստանայի բանակցություններում իրանական պատվիրակության ղեկավարը երեքշաբթի օրը Ժնևում հանդիպում ու զրույց է ունեցել Աստանայի գործընթացում Իրանի գործընկերներ Ռուսաստանի և Թուրքիայի պատվիրակությունների ղեկավարներ Ալեքսանդր Վերշինինի և Սեդաթ Օնալի, նաև Սիրիայի հարցերով ՄԱԿ-ի գլխավոր քարտուղարի հատուկ ներկայացուցիչ Ստեֆան Դի Միստուրայի հետ:
ԻԻՀ ռադիո-հեռուստատեսության լրատվական գործակալության հաղորդման համաձայն, Հոսեյն Ջաբերի Անսարին երկկողմ, եռակողմ ու քառակողմ ձևաչափերով անցկացված հանդիպումների ժամանակ մտքերի փոխանակում է կատարել Սիրիայում խաղաղության ու անդորրի վերականգնման գործընթացի, Սոչիում Սիրիայի ազգային երկխոսության համաժողովի արդյունքների հետապնդման և Աստանայում երաշխավոր երեք երկրների ԱԳ նախարարների մակարդակով անցկացվելիք նիստի օրակարգի շուրջ :
Աստանայի գործընթացը երաշխավորող երեք երկրների պատվիրակությունների ղեկավարներն ու ՄԱԿ-ի գլխավոր քարտուղարի ներկայացուցիչը պայմանավորվեցին շարունակել քառակողմ երկխոսությունները Աստանայի գործընթացի արդյունքների և Սոչիում Սիրիայի ազգային երկխոսության համաժողովի որոշումների հետապնդման, ինչպես նաև Աստանայի ու Ժնևի գործընթացների միջև կառուցողական կապերի հաստատման ուղղությամբ :
Ջաբերի Անսարին երկուշաբթի օրը մեկնել է Ժնև:
