Արևելյան Ղութայում հայտնաբերվել է ահաբեկիչների քիմիական զենքի կենտրոնը

Սիրիայի բանակը Դամասկոսի արվարձանային արևելյան Ղութայի Ալ-Շաֆունիա ավանում հայտնաբերել է ահաբեկիչներին պատկանող քիմիական զենքերի պատրաստման երկրորդ կենտրոնը:

ԻՌՆԱ գործակալության փոխանցմամբ՝ սիրիական աղբյուրները հաղորդել են, որ Սիրիայի բանակը Դումայի շրջանի  Ալ-Շաֆունիա ավանի մաքրագործման գործողության ժամանակ, հայտնաբերել է ահաբեկիչներին պատկանող քլոր գազի և տարբեր թթվային ու քիմիական նյութերի արտադրության կենտրոնը:

Ըստ աղբյուրների, լաբորատորիան ունեցել է պայթուցիկ ու թունավոր նյութերի պատրաստման արտասահմանյան սարքավորումներ:

Սիրիայի բանակը երկուշաբթի օրը վերջերս ազատագրված Աֆթրիս քաղաքում հայտնաբերել է ահաբեկիչներին պատկանող քիմիական զենքերի արտադրության կոնտրոն: Հայտնաբերված քիմիական զենքները պատրաստվել են Սիրիայի բանակի դեմ կիրառվելու համար:

Ահաբեկչական խմբերը 15 օր առաջ էին հրաման ստացել Սիրիայի բանակի դեմ մեղադրանք ներկայացնելու նպատակով արևելյան Ղութայում թունավոր նյութեր կիրառելու համար: