Ահաբեկչական խմբերը շարունակում են Սիրիայում խախտել հրադադարի ռեժիմը
Սիրիայի Լաթաքիայում Համիմիմի ավիաբազան հաղորդել է ահաբեկիչների կողմից Հալեպի և Լաթաքիայի նահանգներում հրադադարի ռեժիմի խախտման մասին:
«Ռուսիա Ալ-Յոմ» գործակալության հաղորդմամբ, ռուսական ավիաբազան հայտարարել է, որ Դամասկոսի արևելյան Ղութայում ևս ահաբեկիչները խախտում են հրադադարի ռեժիմը:
Սիրիայի բանակը մտադիր է արևելյան Ղութան մաքրագործել ահաբեկիչներից , սակայն ԱՄՆ-ը և նրա դաշնակիցները ՝ Ֆրանսիան և Բրիտանիան, փորձում են խոչընդոտել ահաբեկիչների պարտությունը:
Միաժամանակ Սիրիայում մարդու իրավունքների փաստահավաք խումբը հայտարարել է, որ շարունակելով իր գործողությունը, Սիրիայի բանակն իր ձեռքն է առել արևելյան Ղութայի մի քանի այլ ավանների վերահսկողությունը:
ՄԱԿ-ի Անվտանգության խորհուրդը փետրվարի 24-ին բանաձև է ընդունել Սիրիայում, մասնավորապես արևելյան Ղութայում 30-օրյա հրադադարի ռեժիմ հաստատելու կապակցությամբ: Բանաձևը բազմիցս խախտվել է ահաբեկչական խմբերի կողմից:
