Սիրիան՝ «Տամագավկ» հրթիռների հարվածի տակ
Ամերիկացի մի պաշտոնատար հայտարարեց. «Սիրիայի դեմ հարձակման ընթացքում օգտագործվել են «Տամագավկ» տեսակի հրթիռներ»:
«Ռոյտերզ»-ի հաղորդման համաձայն, ամերիկացի պաշտոնատարի ընդգծմամբ, ով չցանկացավ բացահայտել իր ինքնությունը, շաբաթ վաղ առավոտյան Սիրիայի դեմ իրականացված ԱՄՆ-ի հարձակման ժամանակ օգտագործվել են «Տամագավկ» տեսակի հրթիռներ:
ԱՄՆ նախագահ Դոնալդ Թրամփը Սիրիայի դեմ հարձակման հրահանգ արձակելով ասել է. «ԱՄՆ-ի հարձակումներն իրականացվում են Բրիտանիայի ու Ֆրանսիայի համագործակցությամբ»:
Բրիտանիայի վարչապետ Թերեզա Մեյն ասել է, որ այդ երկրի զինված ուժերին արտոնել է քիմիական զենքերի օգտագործման Սիրիայի համակարգի կարողությունը դադարեցնելու նպատակով, համադրված հարձակումներ իրականացնել:
«Սիրիայի դեմ հարձակումները սահմանափակ ու նպատակաուղղված են և չեն սրելու տարածաշրջանում լարվածությունը »,-հայտարարել է Բրիտանիայի վարչապետը նշելով, որ Սիրիայի դեմ ռազմական ուժ կիրառելուց բացի ուրիշ որևէ այլընտրանք գոյություն չուներ:
Ֆրանսիայի նախագահ Էմանուել Մակրոնը հայտարարել է, որ Սիրիայի դեմ հարձակմանը Ֆրանսիայի բանակի մասնակցության հրահանգ է արձակել:
«Սիրիայի դեմ հարձակումը նպատակ ունի պակասեցնել քիմիական զենքերի օգտագործման Սիրիայի համակարգի կարողությունը»,-հայտարարել է Մակրոնը:
Միևնույն ժամանակ Սիրիայի հեռուստատեսությունը հայտարարել է, որ Սիրիայի բանակի հակաօդային պաշտպանությունը պատասխանել է ԱՄՆ-ի, Ֆրանսիայի ու Բրիտանիայի համատեղ ավիահարվածին:
Սիրիայի հեռուստատեսության հաղորդման համաձայն, ԱՄՆ-ի, Ֆրանսիայի ու Բրիտանիայի համատեղ ավիահարվածները թիրախ են դարձրել Դամասկոսն ու մայրաքաղաքի մերձակա տարբեր տարածքները:
Որոշ ԶԼՄ-ների հաղորդման համաձայն, ԱՄՆ-ի հրթիռային հարձակման թիրախում են եղել Դամասկոսի «Մազա»-ի օդանավակայանը, Դամասկոսի «Բարզա»-ում գտնվող հետազոտական կենտրոնը, ինչպես նաև Ջամարայա և Մասյաֆ տարածքները:
