Ռիազ Մալեքի. «ԱՄՆ-ն հորդորում է Իսրայելին կոտորել պաղեստինցիներին»
Պաղեստինի ինքնավար վարչակազմի ԱԳ նախարարն ընդգծել է.« ԱՄՆ-ն օգտագործում է վետոյի իրավունքը, Իսրայելին շնորհում է անձեռնմխելիություն և իսրայելցի պատերազմական ոճրագործներին հորդորում է կոտորել պաղեստինցիներին»: Այս մասին հաղորդել է ԻՍՆԱ լրատվական գործակալությունը:
Այսօր, անդրադառնալով ՄԱԿ-ի Անվտանգության խորհրդում Պաղեստինի քաղաքացիներին միջազգային պաշտպանություն ցուցաբերելու նախագծի վետոյի ենթարկվելուն, Ռիազ Մալեքին հստակեցրել է. «Այդ քայլը ևս մեկ բարոյական անկում է ԱՄՆ-ի համար և ցույց է տալիս, որ այդ երկրի կառավարությունն անտեսում է Իսրայելի ոճրագործությունների շուրջ ստեղծված համաշխարհային կոնսենսուսը»:
Մալեքին ընդգծել է. «Չնայած անվտանգության պահպանման հարցում Անվտանգության խորհրդի թույլ դերակատարությանը, պաղեստինցի ղեկավարները շարունակում են ջանքեր գործադրել Պաղեստինի քաղաքացիներին հովանավորելու և օկուպացված տարածքներն ազատագրելու ուղղությամբ»:
ԱՄՆ-ի կողմից Սիոնիստական ռեժիմի ոճրագործություններին ցուցաբերվող հովանավորություններով հանդերձ, կրկին անգամ պահանջվում է վերանայել Անվտանգության խորհրդի կառուցվածքը:
