Մերկելը չի պատրաստվում վերընտրվել Գերմանիայի կանցլերի պաշտոնում
Գերմանիայի կանցլեր Անգելա Մերկելը չի պատրաստվում շարունակել քաղաքական գործունեությունը:
Գերմանիայի կանցլեր Անգելա Մերկելը հայտարարել է, որ իր պաշտոնավարության ավարտին 2021 թվականին կհեռանա քաղաքական ասպարեզից:
Մերկելը ասել է, որ չի պատրաստվում վերընտրվել Քրիստոնեա-դեմոկրատական կուսակցության ղեկավարի պաշտոնում: Կուսակցության ղեկավարի ընտրությունները պետք է կայանան դեկտեմբերի սկզբին:
Մերկելի որոշումը կայացել է այն ժամանակ, երբ նրա կուսակցությունը պարտություն էր կրել վերջերս Գերմանիայի տարածաշրջանային ընտրություններում, որը սպառնում էր կոալիցիոն կառավարության կայունությանը:
Գերմանիայի կանցլերը հայտարարել է, որ պատասխանատու է ընտրությունների վերջին պարտության համար:
Քաղաքական գործիչը զբաղեցնում է կուսակցության ղեկավարի պաշտոնը 2000 թվականից: Նա 2005 թվականից եղել է Գերմանիայի կանցլեր: