Ասիական շուկայում նավթի գինն աճել է
Լրատվական աղբյուրները տեղեկացրել են,որ ասիական շուկայում նավթի գինը կտրուկ աճել է:
Ինչպես հաղորդում է «Ֆրանս Պրես»-ը, ասիական շուկայում չորեքշաբթի օրն էլեկտրոնային եղանակով իրականացված գործարքներում ԱՄՆ-ի մեկ բարել անմշակ նավթի արժեքն աճել է 22 ցենտով՝ կազմելով 66 դոլար 40 ցենտ:
Իսկ հյուսիսային ծովի Brent մակնիշի յուրաքանչյուր անմշակ նավթի գինը աճել է 31 ցենտով, կազմելով 76 դոլար 31 ցենտ:
Նախատեսված է դեկտեմբերին հանձնել վաճառված նավթը:
Քաղաքական և տնտեսական հարցերի վերլուծաբանների կարծիքով, նավթի գնի բարձրացման պատճառը Իրանի դեմ ԱՄՆ-ի նավթային շրջափակումների մոտալուտ վերականգնումն է:
Համաշխարհային շուկաներում տիրող իրողությունը ցույց է տալիս, որ որպես նավթ արտահանող երկրների կազմակերպության (OPEC) երրորդ խոշորագույն արտադրող՝ Իրանի նավթի արտահանումը հնարավոր չէ լիովին դադարեցնել:
