Իրանի համար ԵՄ-ի ֆինանսական մասնավոր մեխանիզմում առաջընթաց կա
Գերմանիայի, Բրիտանիայի ու Ֆրանսիայի ֆինանսների նախարարներն ու ԵՄ արտաքին քաղաքականության պատասխանատուն հանդես գալով համատեղ հաղորդագրությամբ, տեղեկացրել են Իրանի համար ԵՄ-ի ֆինանսական մասնավոր մեխանիզմում առաջընթացի մասին:
ԻՌՆԱ-ի ուրբաթ գիշեր կատարած հաղորդման համաձայն, այս հաղորդագրության մեջ ընդգծվել է Թեհրանի դեմ Վաշինգտոնի պատժամիջոցները փոխարինող վերջնական փաթեթի մշակման համար ԵՄ-ի համատեղ ու անսասան կամքը:
«Հատկապես ֆինանսական մասնավոր մեխանիզմ (SPV) ստեղծելու նախաձեռնության ուղղությամբ ԵՄ-ի վերջին շաբաթների ջանքերը եվրոպացի արտահանողների ու ներկրողների համար հնարավոր են դարձնելու օրինական առևտրի հետապնդումը»,-ասված է հաղորդագրության մեջ:
Հաղորդագրության մեջ նշված է. «ԵՄ-ն, որպես ՀԳՀԾ-ի կողմերից մեկը, հանձնառու է պահպանելու և պաշտպանելու Իրանի հետ ֆինանսական խողովակներն ու նաև Իրանի նավթի ու գազի արտահանման շարունակվելը»:
ԵՄ-ի հաղորդագրությունը նաև տեղեկացրել է ՀԳՀԾ-ի մյուս կողմերը համարվող Ռուսաստանի և Չինաստանի, նաև Իրանի միջուկային համաձայնության աջակցող այլ երկրների համագործակցությամբ ջանքերը շարունակվելու մասին:
Հաղորդագրությունը հրապարակվեց նրանից հետո, երբ ԱՄՆ նախագահ Դոնալդ Թրամփը հայտարարեց Իրանի դեմ Վաշինգտոնի պատժամիջոցների երկրորդ փուլը նոյեմբերի 5-ից գործադրման հանձնվելու մասին:
