ՄԱԿ.«Ահաբեկիչները սիրիացի փախստականներին օգտագործում են որպես կենդանի վահան»
ՄԱԿ-ը հայտարարել է, որ Ալ-Ռուքբան ճամբարի բնակիչները դարձել են ահաբեկիչների կենդանի վահանը: Այս կազմակերպությունը պահանջել է ճամբարի բնակիչները վերադառնան իրենց տները:
Միջին Արևելքի և Հյուսիսային Աֆրիկայի հարցերով ՄԱԿ-ի փախստականների գերագույն հանձնակատարի գրասենյակի (ՄԱՓԳՀ/UNHCR) ղեկավար Ամին Աուադն ընդգծել է.«Ալ-Ռուքբան ճամբարը չի կարող մշտապես ակտիվ լինել և պետք է մի ելք գտնել, որպեսզի այդ ճամբարի բնակիչները կարողանան վերադառնալ իրենց բնակարաններ»:
ՄԱԿ-ի պաշտոնյան տեղեկացրել է այդ ճամբարում թաքնված ահաբեկիչների ու ոճրագործների մասին: Վերջիններս ճամբարի բնակիչներին օգտագործում են որպես կենդանի վահան:
Հորդանանը երեկ հայտարարել է, որ Ալ-Ռուքբան ճամբարի տարհանման համար բանակցություններ է վարել Վաշինգտոնի և Մոսկվայի հետ: Ճամբարում գտնվում է 50 հազար սիրիացի փախստական:
Ալ-Ռուքբան ճամբարը գտնվում է Հորդանանի սահմանի մոտ, անապատային մի շրջանում:
