Մոգերինին ընդգծել է Իրանի հետ Եվրոպայի ֆինանսական մեխանիզմն անհապաղ գործադրելու անհրաժեշտությունը
Եվրամիության արտաքին քաղաքականության հանձնակատարն Իրանի հետ Եվրամիության ֆինանսական հատուկ մեխանիզմի գործադրման ժամկետի մասին ասել է.«Այս մեխանզիմը պետք է հնարավորինս արագ գործարկել»:
Ֆեդերիկա Մոգերինին երկուշաբթի օրը Բրյուսելում ԵՄ-ի պաշտոնատարների հետ հանդիպումից հետո ասել է.«Իրանի հետ Եվրամիության ֆինանսական մեխանիզմը պետք է հնարավորինս շուտ գործարկել»:
Մոգերինին նաև վերահաստատել է ԵՄ-ի աջակցությունը Համատեղ գործողությունների համապարփակ ծրագրին:
ԱՄՆ նախագահ Դոնալդ Թրամփը 2018 թվականի մայիսի 8-ին միակողմանիորեն խախտելով միջուկային համաձայնագիրը, հայտարարեց ՀԳՀԾ-ից Վաշինգտոնի դուրս գալու և միջուկային շրջափակումները վերականգնելու մասին:
Թրամփի հակաիրանական շրջափակումների առաջին փուլն իրագործվել է 2018 թվականի օգոստոսի 7-ին, իսկ երկրորդը՝ նոյեմբերի 5-ին:
ՀԳՀԾ-ից ԱՄՆ-ի դուրս գալն արժանացավ աշխարհի, հատկապես միջուկային գործարքը կնքած երկրների քննադատություններին:
Բրիտանիան, Ֆրանսիան, Ռուսաստանը, Չինաստանը, Գերմանիան և Եվրամիությունը հայտարարել են, որ հավատարիմ են մնալու ՀԳՀԾ-ին և աջակցելու են դրան:
