135 վիրավոր՝ Ֆրանսիայի շաբաթ օրվա ցույցերի ընթացքում
Ֆրանսիայի ՆԳ նախարարը հայտարարել է, որ շաբաթ օրվա ցույցերի ժամանակ վիրավորվել է 135 մարդ:
ԻՌՆԱ-ի հաղորդման համաձայն Քրիստոֆեր Քասթաները շաբաթ գիշեր ներկայացնելով այդ թվերը հայտարարեց, որ վիրավորներից 17-ն անվտանգության ուժերի ծառայողներ են:
Քասթաները հավելել է, որ շաբաթ օրվա բողոքներին Ֆրանսիայի տարածքում մասնակցել են 125 հազար քաղաքացիներ:
Ֆրանսիայի ՆԳ նախարարի ընդգծմամբ բերման է ենթարկվել 974 մարդ:
Ֆրանսիայի նախագահ Էմանուել Մակրոնի տնտեսական քաղաքականությունների դեմ ուղղված բողոքի ակցիաները երեք շաբաթ է ինչ շարունակվում են և հազարավոր ֆրանսիացիներ տնտեսական պահանջներին զուգահեռ, այդ երկրի փողոցներ դուրս գալով, պահանջում են Մակրոնի հրաժարականը:
Ֆրանսիայի ավելի քան 200 միջնակարգ դպրոցների ու համալսարանների աշակերտներ ու ուսանողներ, միանալով հակադրամատիրական ցույցերին, հրաժարվում են դասերին ներկայանալուց:
2018 թվականի նոյեմբերի 17-ին Ֆրանսիայում բռնկված վերջին անհանդարտություններն ամեն օր ավելի են տարածվում ոչ միայն Ֆրանսիայում, այլ եվրոպական այլ երկրներում, այդ թվում Նիդերլանդներում ու Բելգիայում:
Բռնարարքների հետևանքով մինչ այժմ զոհվել են 4 քաղաքացիներ, իսկ հարյուրավոր ուրիշներ վիրավորվել կամ բերման են ենթարկվել:
