Գերմանիայի «Քրիստոնյա-դեմոկրատական» կուսակցությունը դեմ է պաղեստինցիներին տրամադրվող օգնության դադարեցմանը
Գերմանիայի «Քրիստոնյա-դեմոկրատական» կուսակցությունը դեմ է քվեարկել այն նախագծին, որով դադարեցվում է Պաղեստինի ինքնավար վարչակազմին տրամադրվող ֆինանսական օգնությունը:
Ինչպես հաղորդում է սիոնիստական «Ջերուզալեմ Պոստ» օրաթերթը, Գերմանիայի կանցլեր Անգելա Մերկելի գլխավորած «Քրիստոնյա-դեմոկրատական» կուսակցության ներկայացուցիչները դեմ են քվեարկել այն նախագծին, որով դադարեցվում է Պաղեստինի ինքնավար վարչակազմին և պաղեստինցի մարտիկներին ու պաղեստինյան ընտանիքներին տրամադրվող ֆինանսական օգնությունը:
Ըստ Պաղեստինի դեմ ուղղված նախագծի՝ Գերմանիայի կառավարությունը պետք է դադարեցնի պաղեստինյան վարչակազմին տրամադրվող իր օգնությունը:
Սիոնիստական «Ջերուզալեմ Պոստ» օրաթերթը նաև բացահայտել է, որ Գերմանիայի կանցլեր Անգելա Մերկելը արշավ է սկսել, որպեսզի Կենտրոնական և արևելյան Եվրոպայի երկրներին համոզի իրենց դեսպանատները չտեղափոխել Ղոդս:
Եվրոպայի ու Միացյալ Նահանգների անկախ կառույցներն ու կազմակերպությունները մշտապես դեմ են հանդես գալիս Սիոնիստական ռեժիմին աջակցող եվրոպական պետությունների քաղաքականություններին:
