Ռուսաստանն արգելել է ուկրաինական որոշ արտադրանքների ներկրումը
Մոսկվան արգելել է ուկրաինական որոշ արտադրանքների մուտքը Ռուսաստան:
Իրանի ռադիո-հեռուստատեսության լրատվական գործակալության հաղորդման համաձայն, Ռուսաստանի վարչապետի գրասենյակը հայտարարել է, որ այդ երկրի վարչապետ Դիմիտրի Մեդվեդևը շաբաթ օրը ստորագրել է 510 միլիոն դոլար ընդհանուր արժողությամբ ուկրաինական ավելի քան 50 տեսակ արտադրանքների մուտքը Ռուսաստան արգելող հրամանագիրը:
Որոշումն ընդունվել է Կիևի կողմից ռուսական արտադրանքների դեմ սահմանված վերջին բոյկոտին իր պատասխան:
Ուկրաինայի ԱԳ նախարար Պավել Կլիմկինը նոյեմբերի 30-ին հայտարարեց, որ իր երկիրը վերջերս չեղյալ է հայտարարել Ռուսաստանի հետ կնքված 48 միջազգային համաձայնագրեր և 40 այլ համաձայնագրեր ևս շտապ կերպով չեղարկվելու են:
Ռուսաստանն ու Ուկրաինան 375 երկկողմ պայմանագրեր ու համաձայնագրեր ունեին, որոնցից մի քանիսը վերջին տարիներին Ուկրաինայի արևելքում ծագած բախումների և 2014 թվականին Ղրիմը Ռուսաստանին կցվելուց հետո առկախվեցին:
Ռուսաստանի կողմից ուկրաինական նավերի կալանքի տակ առնելուց հետո վերջին շաբաթներին Ռուսաստանի և Ուկրաինայի միջև լարվածությունները սրվել են:
