Լավրովը քննադատել է SPV-ի գործադրման հարցում Եվրոպայի հապաղումը
Ռուսաստանի ԱԳ նախարարն ընդգծել է. «Մոսկվան Իրանի հետ Եվրոպայի ֆինանսական մասնավոր մեխանիզմ SPV-ի շահագործման ուղղությամբ որևէ առաջընթաց չի նկատում»:
«Ֆարս» լրատվական գործակալության հաղորդման համաձայն, Ռուսաստանի ԱԳ նախարարը չորեքշաբթի օրը կայացած մամուլի ասուլիսի ժամանակ նշել է. «Չնայած ԱՄՆ-ի հրաժարվելուց հետո միջուկային համաձայնությունը պահպանելու ուղղությամբ Եվրոպայի խոստումներին, մինչ այսօր ֆինանսական մասնավոր մեխանիզմի գործադրման ուղղությամբ որևէ դրական առաջընթաց չի նկատվում»:
«ԱՄՆ-ի գլխավորությամբ շատ երկրներ չեն ցանկանում ընդունել, որ աշխարհը բազմաբևեռ է դառնում և շարունակում են իրենց տեսակետները թելադրել աշխարհին»,-հավելել է Ռուսաստանի ԱԳ նախարարը:
Լավրովը նաև ընդգծել է. «Վաշինգտոնը, թուլացնելով միջազգային կառույցներն ու կազմակերպությունները և խախտելով միջազգային օրենքները, շարունակում է պնդել իր միակողմանի սխալ քաղաքականության վրա և ոտնահարել միջազգային պայմանագրերն ու համաձայնագրերը»:
