Լավրով.«ԱՄՆ-ն ամոթ չի զգում Վենեսուելայի հարցում»
Քննադատելով Վենեսուելայի օրինական կառավարության դեմ ուղղված ԱՄՆ-ի քայլերը, ՌԴ ԱԳ նախարարն ասել է.«ԱՄՆ-ն Վենեսուելայի նկատմամբ ամոթ չի զգում»:
Երեքշաբթի օրը, Ֆինլանդիայի ԱԳ նախարար Տիմո Սոյնիի հետ համատեղ մամլո ասուլիսի ժամանակ,Սերգեյ Լավրովն ասել է.«Ամերիկացիներն առաջնորդում են Վենեսուելայի ընդդիմադիրների ղեկավար Խուան Գուայդոյին և իրենց հայտարարություններում ու քայլերում ամոթ չեն զգում»:
Լավրովը հստակեցրել է.«Վենեսուելայի վերաբերյալ բանաձևի նախագիծ ներկայացնելով, ԱՄՆ-ը նպատակ ունի ապակայունացնել այդ երկրի իրավիճակը»:
Ռուսաստանի ԱԳ նախարարն ասել է, որ Վենեսուելայի հարցով խոսելու է ԱՄՆ պետքարտուղար Մայք Պոմպեոյի և Եվրամիության արտաքին քաղաքականության հանձնակատար Ֆեդերիկա Մոգերինիի հետ:
Վենեսուելայի ընդդիմության առաջնորդ Խուան Գուայդոն հունվարի 23-ին իրեն հռչակեց այդ երկրի նախագահ: Այդ օրվանից ի վեր, Վենեդուելայում անհանդարտություն է տիրում:
ԱՄՆ-ն միջամտելով Վենեսուելայի ներքին հարցերին, Գուայդոյին ճանաչել է այդ երկրի նախագահ, Մադուրոյի նախագահությունը համարելով անօրինական:
