Human Rights Watch կազմակերպությունը քննադատել է Սաուդյան Արաբիայում կին ակտիվիստների ձերբակալությունը
Human Rights Watch կազմակերպությունը Սաուդյան Արաբիայի կառավարությունից պահանջել է դադարեցնել կին ակտիվիստների ձերբակալությունն ու խոշտանգումը:
Քննադատելով Սաուդյան Արաբիայում առանց որևէ պատճառ ներկայացնելու Լուջեյն Ալհեզլուլի և 12 այլ կին ակտիվիստների ձերբակալությունը, Human Rights Watch կազմակերպությունը հայտարարել է, որ մեծանում են մտահոգությունները Ալհեզլուլի վիճակի մասին:
Լուջեյն Ալհեզլուլը ձերբակալվել է 2018թ. մայիսին, Սաուդյան Արաբիայում կանանց իրավունքները պաշտպանելու մեղադրանքով: Նրա հայրը վերջերս թուիթերում գրել է, որ սաուդցի գործակալները կալանավայրում խոշտանգման ու սեռային ոտնձգության են ենթարկել իր դստերը:
Հինգշաբթի օրը, Եվրապառլամենտը 517 կողմ, 10 դեմ և 70 ձեռնպահ ձայներով վավերացրել է Սաուդյան Արաբիայում ձերբակալություններն ու խոշտանգումը դատապարտող բանաձևը:
Այդ բանաձևը պահանջում է պատժամիջոցներ կիրառել Սաուդյան Արաբիայի դեմ՝ մարդու իրավունքները խախտելու, հատկապես կին ակտիվիստներին ձերբակալելու ու խոշտանգելու պատճառով:
