Պոմպեոյի կեղծ հայտարարությունը՝ Վենեսուելայի ժողովրդին հովանավորելու վերաբերյալ
Խոսելով Վենեսուելայի դեմ ռազմական հարձակման հավանականության մասին, ԱՄՆ-ի պետքարտուղարը այդ երկրի ժողովրդին հովանավորելու կեղծ խոստում է տվել:
Սպուտնիկ լրատվական գործակալության հաղորդման համաձայն, Պոմպեոնի Վենեսուելայի ժողովրդին հղած տեսաուղերձում ասել է.«Եկել է իշխանությունը փոխանցելու ժամանակը և Վաշինգտոնը, որպես Վենեսուելայի գործընկեր, իր ծառայությունն է մատուցելու այդ ուղղությամբ»:
Անցած չորեքշաբթի օրը, մի հարցազրույցի ընթացքում, Պոմպեոն հայտարարել էր, որ հարկ եղած դեպքում, ԱՄՆ-ը պատերազմ է սկսելու Վենեսուելայի դեմ:
Շաբաթ օրը, հակադարձելով այդ հայտարարությանը, Վենեսուելայի նախագահ Նիկոլաս Մադուրոն երկրի բանակին կոչ է արել պատրաստ լինել ԱՄՆ-ի ռազմական հավանական հարձակումը դիմակայելու համար:
Վենեսուելայում ճգնաժամ է սկսվել հունվարի 23-ից, երբ ընդդիմության առաջնորդ Խուան Գուայդոն, ԱՄՆ-ի և նրա դաշնակիցների բացահայտ հովանավորությամբ, իրեն Վենեսուելայի նախագահ հռչակեց: Քայլ, որ Վենեսուելայի կառավարությունը հեղաշրջում է բնութագրել ժողովրդի ընտրյալ նախագահ Նիկոլաս Մադուրոյի դեմ:
ԱՄՆ-ն ու իր դաշնակիցները Վենեսուելայի դեմ շրջափակումներ կիրառելով և ընդդիմությանը հովանավորելով, փորձում են տապալել հակաամերիկյան կողմնորոշում ունեցող այդ երկրի օրինական կառավարությունը:
