Բրյուսելում կայացած նիստում ԱՄՆ-ն հանդես է եկել ՀԳՀԾ-ի դեմ
Եվրամիությունում ԱՄՆ-ի դեսպանը, միության անդամներին կոչ է արել Համատեղ գործողությունների համապարփակ ծրագիրը պահպանելու ուղղությամբ ջանքեր գործադրելու փոխարեն, մեծացնել ճնշումներն Իրանի նկատմամբ:
Ինչպես հաղորդում է «Դեյլի Մեյլ» թերթը, երկուշաբթի օրը, նախքան Բրյուսելում ԵՄ-ի անդամ երկրների արտգործնախարարների «Իրանը և ՀԳՀԾ-ն» թեմայով նիստի կայացումը, Գորդոն Սոնդլանդը նախարարներին կոչ է արել մեծացնել Իրանի նկատմամբ ճնշումները, որպեսզի այս երկիրը համաձայնվի նստել Վաշինգտոնի ուզած բանակցությունների սեղանի շուրջ:
Եվրամիությունում ԱՄՆ-ի դեսպանը եվրոպացիներին հորդորել է աջակցել Վաշինգտոնի հակաիրանական քայլերին, ասելով.«Կարծում եմ այժմ ժամանակն է, որ եվրոպացիները համապատասխան քայլեր ձեռնարկեն Իրանի դեմ և հետևելով ԱՄՆ-ի օրինակին, դատապարտեն տարածաշրջանում ու աշխարհում այդ երկրի քաղաքականությունը»:
Չնայած ամերիկացի պաշտոնյայի հայտարարություններին, Բրիտանիայի արտաքին գործերի նախարար Ջերեմի Հանթը, երկուշաբթի Բրյուսելում բացված ԵՄ արտաքին գործերի նախարարների նիստում ասել է.«ՀԳՀԾ-ն չի մահացել և դեռ կա այն պահպանելու հնարավորություն»:
