Բրիտանիան երկարաձգել է Ասանժի կալանքի ժամկետը
Լոնդոնի դատարանը շաբաթ օրը հայտարարել է, որ WikiLeaks-ի հիմնադիր Ջուլիան Ասանժի կալանքի ժամկետը երկարաձգվում է, մինչև ԱՄՆ-ում կայանա վերջինիս արտահանձնման գործով դատը:
Նախատեսված էր, որ սեպտեմբերի 22-ին Ասանժն ազատ արձակվի Լոնդոնի Բելմարշ բանտից, սակայն նա կշարունակի գտնվել կալանքի տակ:
Լոնդոնում Էկվադորի դեսպանատանը 7 տարի ապաստանելուց հետո, ապրիլի 11-ին, Ասանժն արտահանձնվեց Բրիտանիային:
Բրիտանիայի ոստիկանությունը հայտարարել է, որ ձերբակալությունն իրականացվել է 2012թ այդ երկրի դատարանի վճիռ համաձայն, և այն բանից հետո, երբ Էկվադորի դատարանը հրաժարվեց ապաստան տրամադրել Ասանժին:
2006թ Ասանժը ստեղծեց WikiLeaks կայքը, որտեղ բացահայտեց Իրաքում ու Աֆղանստանում ամերիկացի զորայինների կողմից խաղաղ քաղաքացիների սպանությունների պատկերներն ու տեսագրությունները:
