Ռուսաստան.«ԱՄՆ-ը պետք է հատուցի նախկին Հարավսլավիայի ռմբակոծության համար»
Կիրակի օրը, հակադարձելով Սերբիայում ԱՄՆ-ի դեսպան Քայլ Ռանդոլֆ Սկոթի հայտարարությանը, ՌԴ արտգործնախարարության խոսնակ Մարիա Զախարովան ֆեյսբուքում գրել է.«ԱՄՆ-ը պետք է ներողություն խնդրի 1999թ. նախկին Հարավսլավիան ռմբակոծելու պատճառով և պետք է հատուցում վճարի ԱՄՆ-ի ավիահարձակումներին հետևանքով զոհված ու վիրավորված անձանց հարազատներին»:
Ռանդոլֆ Սկոթը վերջերս հայտարարել է, որ Սերբիան պետք է ավելի լայն հայացքով դիտի 1999թ. ՆԱՏՕ-ի կողմից իրականացված ռմբակոծությանը:
1999թ. մարտին, Կոսովոյում ալբանացիների կոտորածը կանխելու պատրվակով, ՆԱՏՕ-ի ուժերը լայնամասշտաբ գործողություն իրականացրին Հարավսլավիայի դեմ:
Հաղորդումները վկայում են այն մասին, որ ԱՄՆ-ը երեք ամիս ռմբակոծության ընթացքում 15 տոննա թուլացված ուրան է նետել Սերբիայում և այդպիսով քաղցկեղով տառապող հիվանդների թվի առումով Սերբիան առաջին երկիրն է Եվրոպայում: Այդ ռմբակոծություններին հաջորդող առաջին 10 ամիսների ընթացքում, գրանցվել են քաղցկեղի շուրջ 30 հազար դեպքեր և 18 հազար մահ:
Այդ ռմբակոծությունները ավելի քան 100 միլիարդ դոլարի վնաս են պատճառել:
