Էրդողան. Թուրքիան անհանգստացած չէ ԱՄՆ պատժամիջոցներից
Թուրքիայի նախագահը հայտարարել է, որ Սիրիայի հյուսիսում այդ երկրի ռազմական գործողությունների նպատակը պարզ է, և որ Անկարան անհանգիստ չէ ԱՄՆ պատժամիջոցների կապակցությամբ:
Չորեքշաբթի, Ռեջեբ Թայիբ Էրդողանը, Ադրբեջանից վերադառնալիս Անկարայում լրագրողներին ասել է, որ ամերիկացիները ճնշում են գործադրում Թուրքիայի վրա՝ Սիրիայում գործողությունները դադարեցնելու համար և սպառնում են պատժամիջոցի ենթարկել Թուրքիային, սակայն Անկարայի նպատակը պարզ է, ուստի մտավախություն չկա պատժամիջոցների մասին:
Թուրքիայի նախագահը հավելել է, որ Անկարան չի կարող հրադադար հայտարարել և բանակցություններ վարել մի խմբի հետ, որն իր կարծիքով ահաբեկչական է:
Էրդողանը հայտարարել է, որ զինված խմբավորումները պետք է դուրս գան Թուրքիայի տարածքից և հետ մղվեն մինչև Սիրիայի սահմանից 32 կմ խորության վրա:
Թուրքական զինուժը հոկտեմբերի 9-ից լայնածավալ ռազմական գործողություն է սկսել Սիրիայի հյուսիսում: Թուրքիայի իրականացրած լայնածավալ ռազմական գործողությունները դատապարտվել են միջազգային շրջանակների կողմից:
