Ռուսաստան. Իրանին դիմակայելու ԱՄՆ-ի քաղաքականությունը կործանարար է
Ռուսաստանի արտգործնախարարության խոսնակը հայտարարել է, որ Իրանի դեմ ուղղված ԱՄՆ գործողությունները կործանարար են և անհեռատեսական:
Ուրբաթ օրը Մոսկվայում կայացած մամուլի ասուլիսում, Մարիա Զախարովան նշել է, որ Իրանի նկատմամբ ԱՄՆ-ի գործողություններն անհեռատեսական են: Նա նաև քննադատել է ՀԳՀԾ-ից ԱՄՆ-ի միակողմանի դուրս գալը:
ՌԴ ԱԳՆ խոսնակը հավելել է, որ եթե ԱՄՆ-ը խափանարարություն չաներ ՀԳՀԾ-ի շրջանակներում, Իրանը չէր անի համաձայնագրով ստանձնած իր պարտավորությունների կրճատման չորրորդ քայլը:
Զախարովան ընդգծել է նաև Իրանի տարածաշրջանային դերի կարևորությունը և հավելել, որ անհնար է խաղաղություն հաստատել Միջին Արևելքում և կայունացնել Սիրիայի, Իրաքի և Աֆղանստանի իրավիճակն առանց Իրանի մասնակցության:
ԻԻՀ նախագահ Հասան Ռոհանին, չորեքշաբթի օրը հայտարարեց Ֆորդոյի միջուկային օբյեկտում ՀԳՀԾ-ով ստանձնած իր պարտավորությունների կրճատման Իրանի չորրորդ քայլի մեկնարկի մասին: Նա հավելեց, որ միջուկային համաձայնագրի բոլոր կողմերը պետք է իմանան, որ Իրանը չի կարող այն միայնակ գործադրել:
