Թրամփ. Թուրքիան ԱՄՆ-ի ռազմավարական գործընկերն է
Թուրքիայի նախագահ Ռեջեփ Թայիփ Էրդողանը չորեքշաբթի օրը Վաշինգտոնում հանդիպել է ԱՄՆ նախագահ Դոնալդ Թրամփի հետ:
Հանդիպումից հետո կայացած համատեղ մամուլի ասուլսիում, Թրամփը հայտարարել է, որ Թուրքիան ՆԱՏՕ-ում ԱՄՆ-ի դաշնակիցն է և ռազմավարական գործընկերը: Նա հավելել է. «Վաշինգտոնը և Անկարան փորձում են երկու երկրների միջև առևտրի ծավալը հասցնել 100 միլիարդ դոլարի»:
Թրամփը հույս է հայտնել, որ երկու երկրներին կհաջողվի լուծել ռուսական S400 հակահրթիռային պաշտպանության համակարգի հետ կապված տարաձայնությունները:
Համատեղ ասուլիսում Էրդողանը հայտարարել է, որ իր երկիրը պատրաստ է բանակցություններ սկսել ԱՄՆ Կոնգրեսի հետ՝ S-400 հակահրթիռային պաշտպանության համակարգի գործարքի շուրջ: Նա հավելել է, որ տարաձայնությունը հնարավոր է լուծել երկխոսության միջոցով:
Թուրքիայի նախագահը նշել է, որ Անկարան կարող է ԱՄՆ-ի «Patriot» հրթիռային համակարգը ողջամիտ գնով գնել Վաշինգտոնից:
Անդրադառնալով Սիրիայի հյուսիսում Թուրքիայի ռազմական միջամտությանը, Էրդողանը հավելել է, որ այն ձեռնարկվել է ահաբեկչության դեմ պայքարի նպատակով:
