Հազարավոր ամերիկացի ուսուցիչներ, բողոքի ցույց են կազմակերպել Ինդիանա նահանգում

ԱՄՆ Ինդիանա նահանգում, հազարավոր ուսուցիչներ բողոքի լայնածավալ ցույց են կազմակերպել, շրջափակելով նահանգային խորհրդարանը և պահանջելով աշխատավարձերի բարձրացում: Երեքշաբթի օրը, կարմիր հագուստ կրող հազարավոր ուսուցիչներ, շրջափակել են Ինդիանա նահանգի խորհրդարանի շենքը:

Ցույցի պատճառով, նահանգի դպրոցների կեսի աշխատանքը դադարեցվել է: Ամերիկացի ուսուցիչները խառնաշփոթ են առաջացրել դպրոցների աշխատանքում: Նրանք բողոքել են, որ կրթական բյուջեի կրճատման հետևանքով, դպրոցներում առկա է մասնագետների պակաս:

Անցած երկու տարիների ընթացքում, ԱՄՆ-ի ուսուցիչների բողոքի շարժումից առ այսօր, նրանց աշխատավարձը միջին հաշվով ավելացել է ընդհամենը երկու տոկոսով: