Ռուսաստանի և Ճապոնիայի միջև սրվել է Կուրիլյան կղզիների հարցով լարվածոթյունը
ՌԴ ԱԳ նախարարը հայտարարել է, որ Կուրիլյան կղզիներն այդ երկրի սեփականությունն են:
Ճապոնիայի Նագովա քաղաքում կայացած Մեծ Քսանյակի ԱԳ նախարարիների նիստում ունեցած ելույթում, Սերգեյ Լավրովը հայտարարել է, որ Տոկիոն պետք է ճանաչի Կուրիլյան կղզիների նկատմամբ Ռուսաստանի սեփականության իրավունքը:
Ի պատասխան Ճապոնիայի կառավարության խոսնակ Յուշիհիդե Սուգայի հայտարարության, Լավրովը նշել է, որ Մոսկվան հետևում է Ռուսաստանի նախագահ Վլադիմիր Պուտինի և Ճապոնիայի վարչապետ Շինզո Աբեյի միջև ձեռք բերված պայմանավորվածություններին:
Երկրորդ համաշխարհային պատերազմից ավելի քան 70 տարի անց, Ռուսաստանն ու Ճապոնիան դեռևս չեն կնքել հաշտության պայմանագիր: Տոկիոն հաշտության պայմանագրի ստորագրումը պայմանավորել է Կուրիլյան կղզիների հանձմամբ: Կղզին գրավվել է երկրորդ աշխարհամարտի ավարտին, խորհրդային բանակի կողմից: Ու չնայած ԽՍՀՄ-ի փլուզմանը, Ռուսաստանը պնդում է այդ կղզիների նկատմամբ սեփականության իրավունքի վրա:
