Թուրքիայի արտաքին առևտրի ծավալը նվազել է

Կորոնավիրուսի պանդեմիայի հետևանքով, այս տարվա ապրիլին, Թուրքիայի արտաքին առևտրի ծավալները նվազել են, հասնելով 2019 թվականից ի վեր ամենացածր մակարդակին։

Ինչպես հաղորդում է Թուրքիայի TRT  հեռուստաընկերությունը, այդ երկրի ներմուծումների ծավալն ապրիլ ամսին նվազել է 28․31 տոկոսով, հասնելով 12 միլիարդ 957 միլիոն դոլարի։

Թուրքիայի արտահանումների ծավալը ևս ապրիլ ամսին նվազել է  41․38 տոկոսով, կազմելով 8 միլիարդ 993 միլիոն դոլար։

Թուրքիայի առողջապահության նախարարության վիճակագրական վերջին տվյալների համաձայն՝ այդ երկրում կորոնավիրուսով վարակվածների թիվը հասել է 126 հազար 45-ի, մահացաներինը՝ 3 հազար 397-ի։