ՄԱԿ-ի գլխավոր քարտուղարը՝ ինտերնետով ահաբեկիչների հավաքագրման աճի մասին
ՄԱԿ-ի գլխավոր քարտուղար Անտոնիո Գուտերեշը RIA Novosti-ին տված հարցազրույցում հայտարարել է, որ ահաբեկիչների և նեոնացիստների կողմից աճել են ինտերնետի և ժամանակակից տեխնոլոգիաների օգնությամբ իրականացվող հավաքագրումն ու հանրության արմատականացումը:
Գուտերեշի խոսքով` գրոհայինները շրջահայաց են և «լավ պատրաստված են տեխնոլոգիաների» հարցում:
Ինչպես հայտնել է ՄԱԿ-ի գլխավոր քարտուղարը, ծայրահեղական և ահաբեկչական խմբերը հրապարակում են տեսանյութ նոր առցանց հարթակներով և հավելվածներով: «Նրանց հաղորդագրությունները հագեցած են փառքի կեղծ խոստումներով և իրական սադրանքով` ուղղված հասարակության ավելի շատ խոցելի շերտերին»,- ասել է Անտոնիո Գուտերեշը:
ՄԱԿ-ի գլխավոր քարտուղարը կարծում է, որ ծնողները, ուսուցիչները և բոլոր հնարավոր հեղինակությունները պետք է անհապաղ միջոցներ ձեռնարկեն: Նա նշել է, որ համաշխարհային կազմակերպությունը ևս իր ներդրումն է կատարում գրոհայինների դեմ պայքարում: «Անցյալ տարի ես թողարկել եմ ՄԱԿ-ի ռազմավարությունը և Գործողությունների պլանը ատելություն սերմանող արտահայտությունների դեմ պայքարում»,- հիշեցրել է պարոն Գուտերեշը:
1in.am
