Հարավային Կորեայի նախագահի խորհրդական. ԱՄՆ-ին չի կարելի վստահել
Հարավային Կորեայի նախագահի արտաքին գործերի և ազգային անվտանգության հարցերով խորհրդականը հայտարարել է, որ չի վստահում Միացյալ Նահանգներին:
Երկուշաբթի օրը, քննադատելով Կորեական թերակղզու վերաբերյալ ԱՄՆ-ի քաղաքականությունը, Մուն Չոնգ Ինը հայտարարել է, որ ինքը երկմտում է ԱՄՆ-ին որպես դաշնակից վստահելու հարցում:
Հարավային Կորեայի նախագահի խորհրդականը հավելել է, որ Կորեական թերակղզու և Հյուսիսային Կորեայի նկատմամբ ԱՄՆ-ի քաղաքականությունը «քաոսային» է:
Մուն Չունգ Ինն ԱՄՆ-ի ազգային անվտանգության նախկին խորհրդական Ջոն Բոլթոնին անվանել է «ամենաատելի» պաշտոնատար անձ, հավելելով, որ նա սրում է լարվածությունը Կորեական թերակղզում:
Կորեական թերակղզում ԱՄՆ-ի ռազմական ներկայությունը և տարածաշրջանում տարբեր զորավարժությունների անցկացումն այդ տարածաշրջանում լարվածության հիմնական պատճառներն են:
