Ամերիկյան դեսանտային նավի վրա բռնկված հրդեհի մասին Պենտագոնը դեռ լռում է

ԱՄՆ ռազմածովային բազայում USS Bonhomme Richard դեսանտային նավում տեղի ունեցած պայթյունից և դրան հաջորդած հրդեհից 14 ժամ անց, ԱՄՆ պաշտպանության նախարարությունը՝ Պենտագոնը, դեռ լռում է:

Նավի հրամանատարները ցավալի աղետ են բնութագրել  իրենց նավի վրա բռնկված հրդեհը:

Ամերիկյան լրատվամիջոցների հաղորդման համաձայն՝ հուլիսի 12-ին ԱՄՆ-ի հարավ-արևմտյան հատվածում գտնվող Սան Դիեգո նավահանգստում տեղակայված ամերիկյան ռազմածովային ուժերի բազայում USS Bonhomme Richard դեսանտային նավի վրա տեղի է ունեցել պայթյուն, որից հետո հրդեհ է բռնկվել։ Տուժել է 21 ամերիկացի նավաստի։ Նրանցից մեկի  վիճակը ծայրահեղ ծանր է:

1988 թվականի ԱՄՆ-ի ծովուժը համալրած ամերիկյան Bonhomme Richard դեսանտային նավի երկարությունը 257 մետր է: Այն  նախատեսված է ավելի քան 1000 մարդու համար: