Չինաստան. Ժամանակն է դադարեցնել Իրանի դեմ ԱՄՆ -իթշնամական գործողությունները

Վիեննայի միջազգային կազմակերպություններում Չինաստանի ներկայացուցչությունն արձագանքելով «ձգանի մեխանիզմն» ակտիվացնելու ԱՄՆ-ի հայտարարությանը, նշել է, որ այն հիմնավորված չէ:

Կիրակի կեսօրին Չինաստանի ներկայացուցչության թվիթերյան էջում արած գրառման մեջ ասված է «Ժամանակն է վերջ դնել ԱՄՆ-ի հակաիրանական քարոզչական շոուին»:

Ներկայացուցչությունը հավելել է, որ ՄԱԿ-ի Անվտանգության խորհրդի պատժամիջոցները կմնան չեղարկված և որ ՀԳՀԾ-ում մնացած բոլոր կողմերի դիրքորոշումն այս կապակցությամբ  պարզ է: Գրառման մեջ նաև նշված է, որ ԱՄՆ-ն այլևս ՀԳՀԾ-ի անդամ չէ, հետևաբար մեխանիզմը գործարկելու վերաբերյալ հայտարարությունն անհիմն է:

ԱՄՆ Պետդեպարտամենտը կիրակի առավոտյան հայտարարեց, որ Իրանի Իսլամական Հանրապետության դեմ ՄԱԿ-ի բոլոր պատժամիջոցները, ներառյալ զենքի էմբարգոն, վերականգնվել են, սակայն ՄԱԿ-ի Անվտանգության խորհրդի, ինչպես նաև ՄԱԿ-ի մյուս անդամները հերքեցին այդ հայտարարությունը:

Հայերեն ռադիոալիքին հետևեք սոցցանցերում.

https://www.instagram.com/parstodayarmenian/

https://twitter.com/radio_armenian

https://www.reddit.com/user/armradio/

https://urmedium.com/c/armenianradio