Պենտագոնն արձագանքել է Թուրքիայում S-400 զենիթահրթիռային համակարգերի շահագործմանը
ԱՄՆ Պաշտպանության նախարարություն՝ Պենտագոնը հայտարարել է,որ S-400 զենիթահրթիռային համակարգերի շահագործումը նշանակում է վտանգի տակ դնել Թուրքիա-ԱՄՆ հարաբերությունները:
ԱՄՆ Պետդեպարտամենտի նախազգուշացումներից հետո, Պենտագոնը ևս նախազգուշացրել է, որ Թուրքիայի կողմից ռուսական S-400 զենիթահրթիռային համակարգերի շահագործումը խոչընդոտ է հանդիսանում Անկարա-Վաշինգտոն հարաբերությունների առաջընթացում:
ԱՄՆ պաշտպանության նախարարությունը հայտարարել է, որ Պենտագոնը տեղյակ է Թուրքիայի S-400 հակաօդային պաշտպանության զենիթահրթռային համակարգերի հավանական փորձարկման մասին ու եթե այդ տեղեկությունները հավաստի լինեն Պենտագոնը խստորեն կդատապարտի այդ փորձարկումը:
ԱՄՆ Պետդեպարտամենտը ևս արձագանքել է Թուրքիայի S-400 հակաօդային պաշտպանության համակարգերի փորձարկմանը:
Վերջին ամիսներին S-400 զենիթահրթիռային համակարգերի գնման հարցով սրվել է ԱՄՆ- Թուրքիա լարվածությունը:
Ռուսական S-400 զենիթահրթիռային համակարգերի Թուրքիային մատակարարելու գործընթացն սկսվել է 2019 թվականի հուլիսին և հաղորդումների համաձայն՝ ընթանում է դրանց տեղադրման գործընթացը:
Չնայած ԱՄՆ-ի անհամաձայնությանը, Անկարան ընդգծել է,որ կշարունակի իր ռազմական համագործակցությունը ՌԴ-ի հետ:
