ԱՄՆ-ի նախագահական ընտրությունների թոհուբոհում, Կոլորադոյում բռնկված հրդեհը շարունակվում է
ԱՄՆ նախագահական ընտրությունների թեժ մրցապայքարի ֆոնին, Կոլորադո նահանգում բռնկված սարսափելի հրդեհն արագորեն տարածվել է և մինչ այժմ հողին է հավասարացրել ավելի քան 170 հազար ակր տարածք:
CNN հեռուստաընկերությունը հաղորդել է, որ Կոլորադո նահանգի արևելյան շրջաններում բռնկված հրդեհը արագորեն տարածվել և պատել է 170 հազար ակր հողատարածք, դառնալո՝ երկրորդ մեծ հրդեհը Կոլորադոյի պատմության մեջ:
Կոլորադոյում բռնկված հրդեհների պատճառով հազարավոր բնակիչներ լքել են իրենց տները, և գիշերը անցկացրել փողոցներում: Կոլորադոյի բնակիչներից Ռոդի Քեմբելն ասել է. «Մենք տեսանք, թե ինչպես են մեր ընկերների տներն այրվում մեր սեփական աչքերի առջև»:
Կոլորադոյի պատմության մեջ երկրորդ խոշոր հրդեհը շարունակվում է: Օդի ջերմաստիճանի նվազմամբ հույս կա, որ հնարավոր կլինի սանձել կրակը, սակայն օդերևութաբանական կանխատեսումները վկայում են, որ այդ տարածքում քամիները կուժեղանան, ինչը կարող է իրավիճակն ավելի կրիտիկական դարձնել: