Պուտինն ու Էրդողանը հեռախոսազրույց են ունեցել Ղարաբաղի թեմայով

Թուրքիայի նախագահը ղարաբաղյան հակամարտության մասին հեռախոսազրույց է ունեցել ՌԴ նախագահ՝ Վլադիմիր Պուտինի հետ:

Անատոլու լրատվական գործակալության հաղորդման համաձայն, հեռախոսազրույցում Էրդողանը հայտարարել է, որ Հայաստանը  Ղարաբաղի հարցով պետք է բանակցի Ադրբեջանի հետ:

Նշելով, որ Բաքվի գործողություններն իրականացվում են Ադրբեջանի տարածքներում, Էրդողանն ասել է.«Պետք է բանակցությամբ լուծում գտնել այս տարաձայնության կարգավորման համար, քանի որ տարածաշրջանի կայունությունկախված է դրանից»:

Հատկանշական է, որ ավելի վաղ, Էրդողանը հայտարարել էր, որ ղարաբաղյան հակամարտության հարցում, Ադրբեջանի հետ միասին, մոտեցել են հաղթանակին: