Թրամփի վարչակազմը որոշել է ռումբեր վաճառել Սաուդյան Արաբիային
ԱՄՆ կառավարությունը որոշել է ռումբեր վաճառել Սաուդյան Արաբիային: Որոշումն ավելի վաղ բախվել էր դեմոկրատների խիստ հակազդեցությանը:
«Թասնիմ» լրատվական գործակալության հաղորդման համաձայն, ԱՄՆ-ի Պետդեպարտամենտը Կոնգրեսին տեղեկացրել է, որ մտադիր է նախագահ Դոնալդ Թրամփի վարչակազմի վերջին օրերին 4700 միլիոն դոլար արժողությամբ, 7500 ռումբ վաճառել Սաուդյան Արաբիային:
Հարկ է նշել, որ ԱՄՆ Սենատի արտաքին հարաբերությունների հանձնաժողովի ավագ անդամ Բոբ Մենենդեսը ավելի վաղ նախազգուշացրել էր Սաուդյան Արաբիային զենք վաճառելու կապակցությամբ և բացատրություն էր պահանջել Պետդեպարտամենտից:
ԱՄՆ Կոնգրեսի որոշ անդամներ նույնպես քննադատել են Սաուդյան Արաբիային՝ Եմենում ռազմական միջամտության և ագրեսիայի համար:
Սաուդյան Արաբիան ԱՄՆ-ից և և այլ արևմտյան երկրներից գնած մեծ քանակությամբ զենքով սպանում է Եմենի անպաշտպան ժողովրդին:
Սաուդյան Արաբիան Միացյալ Նահանգների, Արաբական Միացյալ Էմիրությունների և մի շարք այլ երկրների աջակցությամբ 2015-ի մարտից սկսեց Եմենի դեմ պատերազմը և շրջափակել է այդ երկիրը:
