Ղարաբաղի իրավիճակը՝ Մոսկվայի, Երևանի ու Բաքվի պաշտոնյաների հանդիպման առանցքում
Ռուսաստանի, Հայաստանի և Ադրբեջանի բարձրաստիճան պաշտոնյաները Մոսկվայում մասնակցել են համատեղ աշխատանքային խմբի առաջին նիստին՝ քննարկելու Լեռնային Ղարաբաղի և հրադադարի ռեժիմի իրավիճակը:
Լեռնային Ղարաբաղում հրադադարի դիտարկման ռուս-թուրքական կենտրոնի բացումից հետո, Ռուսաստանի, Հայաստանի և Ադրբեջանի բարձրաստիճան պաշտոնյաների մասնակցությամբ, Մոսկվայում կայացել է երեք երկրների համատեղ աշխատանքային խմբի առաջին նիստը՝ ԼՂ իրավիճակի և հրադադարի ռեժիմի քննարկման նպատակով:
Անատոլու լրատվական գործակալության հաղորդման համաձայն, նիստը կայացել է կիրակի օրը՝ երեք երկրների փոխարտգործնախարարների մակարդակով:
Երեք երկրների պաշտոնյաները պայմանավորվածություն են ձեռք բերել ձևավորել համատեղ աշխատանքային մասնագիտացված խմբեր, որոնք կզբաղվեն տարածաշրջանի տրանսպորտային ուղիների, երկաթուղիների, տարանցիկ ճանապարհների և սահմանների, առողջապահության ու անվտանգության հարցերով:
Խմբերը կձևավորվեն մինչև փետրվարի 2-ը, իսկ դրանց առաջին հանդիպումը տեղի կունենա փետրվարի 5-ին:
