Չինաստանի արտգործնախարարը կժամանի Թեհրան

Իրանի արտգործնախարարության խոսնակը հայտնել է Չինաստանի արտգործնախարարի Թեհրան կատարելիք այցի մասին:

Սաիդ Խաթիբզադեն ասել է.«Իրանի արտգործնախարար Մոհամմադ Ջավադ Զարիֆի հրավերով, ուրբաթ օրը, Թեհրան կայցելի Չինաստանի արտգործնախարար Վանգ Յին:

Խաթիբզադեն նշել է, որ Չինաստանի արտգործնախարարը Թեհրանում Զարիֆի հետ հանդիպումից բացի, հանդիպելու է նաև նախագահ Հասան Ռոհանիի հետ:

Իրանի արտաքին գործերի նախարարության խոսնակը նշել է, որ երկու կողմերի բանակցությունների օրակարգում լինելու են Իրանի և Չինաստանի միջև ռազմավարական գործընկերության ամրապնդման եղանակները և միջազգային ու տարածաշրջանային զարգացումների վերաբերյալ կարծիքների փոխանակումը: