ԱՄՆ-ի և Բրիտանիայի հակաչինական դիրքորոշումը շարունակվում է
Բրիտանիայի հակաչինական դիրքորոշման շրջանակներում, Բրիտանիայի վարչապետը հայտարարել է.«Վաշինգտոնը և Լոնդոնը ձգտում են միջազգային հակաչինական կոալիցիա ձևավորել»:
Բրիտանիայի վարչապետ Բորիս Ջոնսոնը շաբաթ օրը Չինաստանի կողմից պատժամիջոցների ենթարկված բրիտանացի քաղաքական գործիչների հետ հանդիպման ժամանակ, հայտարարել է, որ Լոնդոնը և Վաշինգտոնը պատրաստվում են ամրապնդել Չինաստանի դեմ համաշխարհային կոալիցիայի ստեղծմանն ուղղված ջանքերը:
Ի պատասխան Լոնդոնի կողմից Չինաստանի դեմ սահմանված պատժամիջոցների, Պեկինն ուրբաթ օրը հայտարարել է Բրիտանիայի մի շարք ներկայացուցիչների դեմ պատժամիջոցներ և սահմանափակումներ կիրառելու մասին:
Չինաստանի ԱԳ նախարարությունը տարածել է հայտարարություն,որում ասված է. «Չինաստանը որոշել է պատժամիջոցներ սահմանել 9 բրիտանացի աշխատակիցների և 4 կազմակերպությունների դեմ, որոնք չարամտորեն սուտ եւ ապատեղեկատվություն են տարածում»:
«Չորս կազմակերպություններին և 9 բրիտանացի աշխատակիցներին ու նրանց ընտանիքներին արգելվում է մուտք գործել Չինաստան, իսկ Չինաստանի քաղաքացիներին և հաստատություններին արգելվում է համագործակցել նրանց հետ: Պեկինն իրեն իրավունք է վերապահում ձեռնարկելու հետագա միջոցներ»,ասված է Չինաստանի տարածած հայտարարության մեջ:
