Հրապարակվել է Պետդեպարտամենտի զեկույցն այլ երկրներում մարդու իրավունքների խախտումների մասին
Պետդեպարտամենտի զեկույցում անտեսվել է ԱՄՆ-ում և եվրոպական երկրներում մարդու իրավունքների ոտնահարումների փաստը և նշվել է, որ Ասիայի երկրների մեծ մասում մարդու իրավունքների վիճակը վատթարացել է:
Զեկույցում ասվում է, որ աշխարհում մարդու իրավունքների պայմանները սխալ ուղղությամբ են ընթանում և Ջո Բայդենի վարչակազմը պատժելու է մարդու իրավունքները ոտնահարող երկրներին:
ԱՄՆ Պետդեպարտամենտն անդրադարձել է մարդու իրավունքների խախտումներին այնպիսի երկրներում, ինչպես՝ Եմենը, Եգիպտոսը, Սաուդյան Արաբիան, Չինաստանը և Իրանը:
ԱՄՆ Պետդեպարտամենտի կողմից տարբեր երկրներում մարդու իրավունքների ոտնահարման մասին մեղադրանքները հնչում են այն պայմաններում, երբ այդ երկրում ռասիզմը կրում է համակարգված բնույթ:
2020 թ. կորոնավիրուսի համաճարակը զսպելու Վաշինգտոնի անկարողությունը ցավալի հետևանքներ ունեցավ այդ երկրի քաղաքացիների համար, իսկ երկրի ողջ տարածքում տեղի ունեցող անկարգությունները վերածվեցին քաղաքական անկարգությունների: Էթնիկ փոքրամասնություններն ԱՄՆ-ում ենթարկվում են ռասայական խտրականության, իսկ շարունակվող անկարգությունները սպառնում են հասարակական անվտանգությանը:
