Չինաստանը չի ընդունի Վաշինգտոնի միակողմանի պահանջների ցուցակը Պեկինի հետ բանակցությունների մասին
Չինաստանը չի ընդունի Վաշինգտոնի միակողմանի պահանջների ցուցակը Պեկինի հետ բանակցությունների մասին: Այս մասին հայտարարել է Չինաստանի արտգործնախարար Վան Ին, հայտնում է South China Morning Post-ը:
«Չինաստանի հետ երկխոսության դուռը բաց է: Սակայն երկխոսությունը պետք է վարվի հավասար հիմունքներով եւ փոխադարձ հարգանքով»,- ասել է նա: «Չինաստանը չի համաձայնի, որ աշխարհում կա որեւէ ժողովուրդ, որը [կարող է] իրեն վեր դասել մյուսներից, եւ որ վերջին խոսքը համաշխարհային գործերում դրանն է լինելու: Եթե ԱՄՆ-ն շարունակի դիմակայել, Չինաստանը դրան հանգիստ, առանց վախի կվերաբերվի»:
Նրա խոսքով՝ Չինաստանի եւ ԱՄՆ-ի համագործակցությունը հնարավոր է, երկու կողմերն էլ պետք է հարգեն միմյանց հիմնական խնդիրները, իսկ Չինաստանը չի ընդունի Վաշինգտոնի միակողմանի պահանջներն ու պայմանները: «Մենք կտրականապես դեմ ենք կոպիտ միջամտությանը Չինաստանի ներքին գործերին եւ նույնիսկ ավելի վճռական ենք դեմ հանդես գալիս կեղծ տեղեկատվության հիման վրա սահմանված անօրինական միակողմանի պատժամիջոցներին»,- ասել է նա: «Չինաստանը իրավունք ունի դիմակայելու, քանի որ մենք պետք է պաշտպանենք ազգային ինքնիշխանությունն ու ազգային արժանապատվությունը»:
orakarg.com
