Հարավային Կորեայի վարչապետը ժամանել է Թեհրան
Հարավային Կորեայի վարչապետը ժամանել է Թեհրան՝ Իրանի Իսլամական Հանրապետության պաշտոնյաների հետ հանդիպելու և խորհրդակցություններ անցկացնելու նպատակով: Այդ մասին հաղորդում է ՖԱՐՍ լրատվական գործակալությունը:
Հարավային Կորեայի վարչապետ Չունգ Սե-Կյունը եռօրյա այցով ժամանել է Թեհրան:
Այցի շրջանակներում նախատեսված են նրա հանդիպումները ԻԻՀ նախագահ Հասան Ռոհանիի, նախագահի տեղակալ Էսհաղ Ջահանգիրիի, և Իսլամական խորհրդարանի նախագահ Մոհամմադ Բաղեր Ղալիբաֆի հետ:
Իրանի ԱԳ նախարարության խոսնակ Սաիդ Խաթիբզադեն ասել է.«Մենք ակնկալում ենք, որ Հարավային Կորեայի վարչապետը լուծումներ ներկայացնի Հարավային Կորեայում Իրանի ակտիվների ապասառեցման համար: Այս հարցը խիստ ազդել է Իրանի և Հարավային Կորեայի երկկողմ հարաբերությունների վրա»:
Իրանն ուրբաթ օրն ազատ է արձակել հարավկորեական լցանավը, որը հունվարի 4-ին Իրանի ջրերում կալանավորվել էր ծովային բնապահպանական օրենսդրությունը խախտելու պատճառով:
