Ուլյանով. ՀԳՀԾ-ի շուրջ բանակցությունները չպետք է վերսկսվեն ելակետից
Վիեննայում տեղակայված միջազգային կազմակերպություններում ՌԴ ներկայացուցիչն ասել է.«ՀԳՀԾ-ի շուրջ Վիեննայի բանակցությունները չպետք է վերսկսվեն ելակետից»:
ԻՌՆԱ լրատվական գործակալության հաղորդման համաձայն, երեքշաբթի օրը, Թվիթերում գոհունակություն հայտնելով ՀԳՀԾ-ի շուրջ համագործակցությունն ընդլայնելու մասին Իրանի արտգործնախարարության խոսնակ՝ Սաիդ Խաթիբզադեի հայտարարության կապակցությամբ, Միխայիլ Ուլյանովնշել է, որ դա լավ լուր է:
Երեքշաբթի օրը միջուկային բանակցությունների թեմայով կայացած մամլո ասուլիսում, Սաիդ Խաթիբզադեն ասել է.«Արտգործնախարարությունը հետևում է բանակցություններին, քանի որ տեխնիկական երկխոսությունների նպատակը ՀԳՀԾ-ի ճշգրիտ իրագործումն է և նոր համաձայնության մասին խոսք չի գնում»:
Պատասխանելով Վիեննայի բանակցությունները վերսկսելու ժամանակի մասին հարցին, Իրանի արտաքին գերատեսչության խոսնակն ասել է.«Ենթադրում եմ, որ ԱՄՆ-ից ավելի շուտ կվերադառնանք բանակցություններին: Վիեննայի բանակցությունների թեմայով շուրջօրյա աշխատանք է տարվում»:
