Լավրով. Իրանի նախագահ Էբրահիմ Ռաիսիի այցը Ռուսաստան շատ կարևոր իրադարձություն է

Ռուսաստանի ԱԳ նախարար Սերգեյ Լավրովն ԻԻՀ նախագահ Սեյեդ Էբրահիմ Ռաիսիի Մոսկվա կատարելիք այցը կարևոր իրադարձություն է որակել։

Ուրբաթ օրը կայացած մամուլի ասուլիսում, նշելով, որ Իրանի նախագահի այցը Մոսկվա չափազանց կարևոր իրադարձություն է, Լավրովը հավելել է.«Մոսկվայի ու Թեհրանի քաղաքական շփումները պետք է վերսկսվեն»:

Նա շարունակել է.«Անկասկած, ի թիվս միջազգային հարցերի, Իրանի և Ռուսաստանի ղեկավարների հանդիպմանը կբարձրացվեն այնպիսի հարցեր, ինչպիսիք են ՀԳՀԾ-ն ու Պարսից Ծոցի անվտանգությունը»։

Ավելի վաղ (չորեքշաբթի օրը) ՌԴ նախագահի խոսնակ Դմիտրի Պեսկովը հայտարարել էր, որ միջոցներ են ձեռնարկվում Իրանի նախագահ Սեյեդ Էբրահիմ Ռաիսիի Մոսկվա կատարելիք այցի հետ կապված։