Կորոնավիրուսով վարակված միլիոնավոր ամերիկացիներ դարձել են հարկադիր աշխատանքի զոհը
Միլիոնավոր ամերիկացիներ չունենալով հիվանդության պատճառով արձակուրդ, պարտավոր են աշխատել նույնիսկ կորոնավիրուսով վարակվելու դեպքում:
2021 թվականի սեպտեմբերից նոյեմբեր ամիսներին «The Shift Project» հետազոտական կենտրոնի անցկացրած սոցհարցման արդյունքների համաձայն՝ ամերիկացի աշխատողների համարյա 65 տոկոսն ասել է,որ այն ժամանակ,երբ վարակված է եղել կորոնավիրուսով, հարկադրված է եղել գնալ աշխատանքի քանի որ զրկված է եղել ժամանակավոր անաշխատունակության նպաստ ստանալու իրավունքից:
ԱՄՆ Աշխատանքի վիճակագրության բյուրոյի տվյալներով, սպասարկման ոլորտի աշխատողների 41 տոկոսը և մասնավոր հատվածի բոլոր աշխատողների 23 տոկոսը ընդհանրապես չունեն հիվանդության դեպքում արձակուրդ անցկացնելու իրավունք:
Հրապարակված վիճակագրական վերջին տվյալների համաձայն, Միացյալ Նահանգներն ունենալով 71 միլիոն 394 հազար 579 վարակակիրներ և 887 հազար 643 մահվան դեպքեր, շարունակում է գլխավորել կորոնավիրուսով վարակվածների աղյուսակը:
