ԱՄՀ-ն անդրադարձել է Ռուսաստանի դեմ արևմտյան պատժամիջոցների բացասական հետևանքներին

ԱՄՀ պաշտոնյան հայտարարել է, որ հակառուսական պատժամիջոցները կնվազեցնեն դոլարի համաշխարհային դիրքը:

ԱՄՀ-ի ղեկավարի առաջին տեղակալ Գիտա Գոպինաթն ասել է, որ Արևմուտքի կիրառած հակառուսական պատժամիջոցների արդյունքում, դոլարի համաշխարհային գերակայությունը կարող է կրճատվել և հանգեցնել համաշխարհային արժութային համակարգի մասնատմանը:

Ռուսաստանի դեմ պատժամիջոցների սահմանմանը զուգահեռ, Արևմուտքում առկա է մտահոգություն, որ գազի ոլորտի նկատմամբ պատժամիջոցները կարող են ապակայունացնել Եվրոպայի և համաշխարհային էներգետիկ շուկաները:

Եվրոպայի հակառուսական քաղաքականությունը վտանգել է նաև մայրցամաքի ներքին անվտանգությունը։

Ուկրաինայում ռուսական ռազմական գործողությունների պատրվակով սահմանված հակառուսական պատժամիջոցներից հետո, Եվրոպայում գազի գինն աճել է: